அக்கா டார்லிங் கதாப்பாத்திரம்
தோற்றம் - 13:07 - 200913
மறைவு -
அக்கா டார்லிங் என்று நான் கதை எழுத துவங்கியது என்னை உன்னிப்பாக கவனிக்கும் இணையத்தில் உள்ள பெரியவர்களை முகம்சுளிக்க வைத்துள்ளதை நான் அறிவேன்.
இன்றைய தமிழ் இணைய உலகத்தில் நிறைய பகுதிகள் சீராக வேண்டும்.
“நீ என்னை புகழ்ந்தால் , நான் உன்னை புகழ்வேன்”
“எனது கடிதத்துக்கு நீ பதில் தரவில்லையென்றால் நானும் உனக்கு பதில் தர மாட்டேன்”
“ஒரு செய்தியை எழுதிவைத்துக்கொண்டு அனைத்து நண்பர்களின் இழையிலும் அதனை தினமும் பதிவு செய்து உங்களுக்காகவே அதனை உருவாக்கினேன் என்று உங்களை நம்ப வைப்பேன்”
“தனி இழையில் பேசி வைத்துக்கொண்டு ; குழுமத்தில் வந்து ஒருவரை திட்டமிட்டு நோகடிப்பது”
இப்படியே ,பல பல குறைகள் நம்மிடையே உள்ளது.
ஒரு மிகவும் வித்தியாசமான சிந்தனை மாற்றத்தை தமிழ் இணைய உலகினில் உருவாக்க வேண்டும் என்ற காரணத்தால் தான் இந்த கதையை நான் எழுத துவங்கினேன்.
நான் படைத்த அக்கா டார்லிங் , தனக்கு ஆதரவாகவும் , எதிராகவும் இரு பெரிய அணிகளை சேர்ப்பாள்.
இறுதியில் எல்லாம் தமிழுக்கு சுகமாய் முடியும்.
அக்கா டார்லிங் பற்றி உங்கள் மனதில் என்ன தோன்றினாலும் இங்கு தயக்கமின்றி பதிவு செய்யவும்.
தமிழ் உலகினில் முதல் முறையாக ஒரு பெண் மருத்துவர் ஆழமான உளவியல் பேசி வாழவைக்கும் கதை இது.
உளமருத்துவம்
என்னும் அறிவுச்சுரங்கத்தின் கதவுகளை உடைத்து திறக்கும் முயற்சி இது.
---------------------------------------------------------------------------------------------------------------------------
அக்கா
டர்லிங்கை முதன்முதலாக
நான் அறிமுகம் செய்தது - 200913
அக்கா டார்லிங்......
Neurobiology of Sex in Tamil
பதினெட்டு வயதை அடையாத மாணவர்கள் இந்த தளத்தின் உள்ளே வர வேண்டாம்.
கண்டிப்பாக பதினெட்டு வயதை தாண்டியவர்கள் மட்டுமே இந்த தளத்தின்
உள்ளே வரவும்.....
சின்ன வயசு பசங்க
தேவையில்லாம ஆசைப்பட்டு உள்ளே
வந்து, அக்கா
டார்லிங் சொல்றதையெல்லாம் கேட்டு டென்ஷன் ஆனா, அதுக்கு அக்கா டார்லிங் பொறுப்பல்ல......
ரொம்ப வயசானவங்க நைசா வந்து, அமைதியாக நின்னு,
அக்காவுடைய கருத்து மழையில் நனைஞ்சு அதனால - சளி பிடித்து -
தும்மி – பயங்கரமாக மாட்டிக்கொண்டால் , அதுக்கம் அக்கா டார்லிங் பொறுப்பல்ல......
அக்காவை எங்கும் கோர்த்து விட்டுடாதீங்கப்பா......
ராவோட ராவா வந்து – பின் வரிசையில இருட்டுல உட்கார்ந்து – சத்தம்
போடாம,அக்கா டார்லிங் சொல்றத கேட்டு – அமைதியா கழன்று விடுவது உத்தமம்.
Press the link if you are above 18 Years Old.
http://sexeducationintamil.blogspot.in/
---------------------------------------------------------------------------------------------------------------------------
210913
நண்பர்களே,
நேசமா எனக்கு ஒண்ணு புரியல.......
திருக்குறள் ஒரு நரம்பியல் நூல் என்று ஒரு
வலைப்பதிவு செய்தேன்....
நாளைய உலகில் நரம்பியல் ஆய்வு அறிஞர்கள் திருக்குறளை
ஏற்கவேண்டும் என்பது சாதாரண செய்தி அல்ல.....
எவ்வளவு முக்கிய பதிவு அது......
யாரும் கண்டுகொள்ளவில்லை.....
அக்கா டார்லிங் என்று ஒரு வலைப்பதிவை துவங்கி ஒரே
நாளில்
892 பார்வைகள் கிட்டியுள்ளது.
என்ன செய்ய.......
சற்று முன்னர் மேலும் 360 வார்த்தைகள் சேர,
அக்கா வீறு நடை போடுகிறாள்....
நான் உருவாக்கிய கற்பனை கதாப்பாத்திரம் - அக்கா
டார்லிங்....
அவளே என்னை பார்த்து நக்கலாகச்சிரிப்பது போல எனக்கு
தோன்றுகிறது....
எனது கற்பனையே என்னை சிந்திக்க வைப்பது......
விசித்திரமான சூழல் இது....
---------------------------------------------------------------------------------------------------------------------------
வேறு என்ன செய்வது டாக்டர் செம்மல்,
ஹ்ம்ம்.
...
திரைப்படப்பாடல்
வழி அறிவியல் செய்தி சொன்னால் ஒடி வந்து அறிவை வளர்த்துக் கொள்வோம்.
அக்கா
டார்லிங் Neurobiology
of Sex சொல்லிக்கொடுத்தால்தான் அறிவியல் புரிகிறது.
அதிலேயும்
18 வயதிற்கு மேல்தான் அனுமதி என்றதும் ஆர்வம்
அநியாயமாகத் தூண்டப்பட்டுவிட்டது.
892
>> 928 ஆகிவிட்டது அதற்குள்.
எங்களைப்
போன்ற வாசகர்களின் உளவியல் நன்றாகவே தெரிந்து வைத்திருக்கிறீர்கள்.
வாழ்க
அக்கா டார்லிங்
..... தேமொழி - வல்லமை - 220913
---------------------------------------------------------------------------------------------------------------------------
செய்யுங்க..செய்யுங்க..
உங்க வழி தனி வழி :-)
நா.கண்ணன் - மலேசியா - மின்தமிழ் 220913
---------------------------------------------------------------------------------------------------------------------------
பொதுவா ஸ்கூல் புத்தகத்தை படிப்பதுன்னா அலறுவதும்,
கதைபுத்தகம் படிப்பதுன்னா ஆர்வத்துடன் இருப்பதுவும் மக்கள் இயல்பு.
அக்கா டார்லிங் பதிவை இன்னும் படிக்கலை.
இளையதலைமுறைக்கு கட்டாயம் உதவியாக இருக்கும் என தோன்றுகிறது. மருத்துவரின்
முயற்சிக்கு என் நல்வாழ்த்துக்கள்
செல்வன் - அமெரிக்கா - மின்தமிழ் - 230913
---------------------------------------------------------------------------------------------------------------------------
சுவாரசியமாக உள்ளது. யூ டியூப் வினாவிடைகளும் அருமையாக
உள்ளன. பயனுள்ள பதிவு. தொடர வாழ்த்துகள்.
நாங்களும் தொடர்கிறோம்.
நல்ல செய்திகள், நாட்டுக்கு நலம்
பயக்கும் செய்திகளை வாழ்த்தி வரவேற்பதில் ஆண் பெண் வேறுபாடு தேவை என்று நான்
நினைக்கவில்லை. நான் குமுதம் இதழில் எழுதிய கட்டுரையின் இணைப்பை இங்கு
கொடுத்துள்ளேன். இன்னும் எழுத நினைத்துள்ளேன். நேரமின்மையால்..... எழுதாமல்
உள்ளேன். எல்லா
வளமும் உள்ள மொழி, எல்லாம் சொன்ன இனம் நம் இனம் என்பதில்
எனக்கு மாற்றுக் கருத்து இல்லை.
அறியாத தகவல்கள். தொடரட்டும்.
ஆதிரா - வல்லமை - 220913
---------------------------------------------------------------------------------------------------------------------------
பாஸ், எனக்கு அக்கா டார்லிங் பாத்திரம் ரொம்ப
பிடிச்சிருக்கு.
தேமொழி - வல்லமை 230913
---------------------------------------------------------------------------------------------------------------------------
”அக்கா டார்லிங்” - 18+க்கு
இந்த பேர் அவசியமா? கன்றாவியா இருக்கு, ஒழுங்கா பேரை மாத்துங்க.
அச்சு - பண்புடன் - 200913
---------------------------------------------------------------------------------------------------------------------------
நாளைய தமிழை யாராவது ப்ளாக் பண்ணுங்க
இவரது செக்ஸ் எஜுகேஷன் தேவை இல்லை.
இங்கே இருக்கும் எல்லோரும் முதிர்ச்சி அடைந்தவர்கள்.
இது தேவை இல்லை
ஜெய் ஷங்கர் - பண்புடன் - 220913
---------------------------------------------------------------------------------------------------------------------------
ஜெய்சங்கர்,
பலர் அவரை ஃபில்டரில் போட்டிருக்கோம். நீங்க
பின்னூட்டம் போடுறதால அவரோட மடல் எங்களுக்கும் வருது.
ஒன்னு அவரை ஃபில்டரில் போட்டிடுங்க,
அல்லது ரிப்ளை பண்ணாதிங்க.
#வேண்டுகோள் மட்டும்.
ரமேஷ் முருகன் - பண்புடன் - 220913
---------------------------------------------------------------------------------------------------------------------------
வேலை வெட்டி ஏதுமின்றி பொறுமையாக வாசித்தவகையில் இதைவிட
மொக்கையாக செக்ஸ் எஜூகேசனை எழுத முடியாதென்று தெரிந்து கொள்ள முடிந்தது. அன்பரே,
உங்கள் எழுத்துகள் மிகவும் வறட்சியாக இருக்கிறது. கிளுகிளுப்பாக
எழுதக் கற்றுக் கொண்டு பிறகு எந்த கருமத்தை வேண்டுமானாலும் இங்கு கற்றுக்கொடுக்க
வாருங்களேன்.. தேவையெனில் தகுந்த குறிச்சொல் இட்டு தேடி, இணையத்தில்
கிடைக்கும் கதைகளைப் படித்துப் பாருங்கள். அல்லது சென்னையில் வாலிபவிருந்து,
விருந்து, இன்பநிலா பத்திரிகைகளை தேடிப்
படியுங்கள்.
தங்களுக்கு ஜெயமுண்டாகட்டும்!
சென்ஷி - பண்புடன் - 230913
---------------------------------------------------------------------------------------------------------------------------